منتدى هوانا هواكم

منتدى هوانا هواكم

اهداء لكل من يريد ان يبوح بخواطره فهوانا ...هواكم


    أمثــــــــــ شعبية فلسطينية ــــــــال

    شاطر
    avatar
    ارض الرباط
    عضو متميز
    عضو متميز

    عدد الرسائل : 102
    الأوسمة :
    تاريخ التسجيل : 14/11/2008

    أمثــــــــــ شعبية فلسطينية ــــــــال

    مُساهمة من طرف ارض الرباط في الإثنين 2 فبراير - 13:28

    بسم الله ...


    أمثال شعبية فلسطينية


    إذا انت أمير و أنا أمير، مين بيسوق الحمير؟

    انتوا جقم واحنا عور وخلوا هالطابق مستور

    أكل الهدية وكسر الزبدية

    يا ماخذ السمرا شو بك فيها يا دوب رمل الصحرا يجليها

    البيت ضيق والحمار رفاس

    الزبده لام زبيد والوسخ على ام عبيد

    يا شايف الزول يا خايب الرجا

    شو أحلى من العسل قال الخل ببلاش

    اللي بده يرافق النوريه بده يرقص معاها

    عاشر المصلي بتصلي و عاشر المغني بتغني

    الكلب بتحالى باب داره

    بكره بنقعد عالحيطة وبنسمع الزيطة

    الحذر ثم الحذر من الارمله وجحش النور والارض المعلقه والمره المطلقه

    لو كان الرجال بشاربهم لكان الصرصار اجدعهم

    صار لأم سبيت بيت وصار للقرع جدايل

    آخر العنقود سكر معقود

    ال مالو حباب بلتموا عليه الكلاب

    حسبتك ضيف اخفيف اطلعت مشتي ومصيف

    صار للشرشوحة مرجوحة و لأبو بريص قبقاب

    رزق الهبل عالمجانين

    اقلع السن ووجعه

    يا شايف الطول يا خايب الرجا

    وجع ساعة ولا كل ساعة

    كل الديوك اتدكنا حتى الديك الممعوط

    الإبن الهامل يجيب لأهله المسبه

    غب غبات الجمال وقوم قبل الرجال

    من غير كيسك يا مذرُي ذرُي

    أيلول ذيله مبلول

    خبي قرشك الابيض ليومك الاسود

    خبي حطباتك الكبار لعمك آذار

    رجلين عوج وبابوج

    اللي بدري بدري واللي ما بدري بيقول كف عدس

    حط القدر وانفخ تحته ما اسقط من الخال الا ابن اخته

    لو في خير ما رماه الطير

    اذا كولنالها اطبخي بتكول مريضه ... بس اذا كولنالها تعي

    كلي بتقول وين ملعقتي العريضه

    الطول طول النخله و العقل عقل سخله

    مجنون رمى حجر بالبير .. بدوميت عاقل يطلعوه

    الأقرعه بتباهى بشعر بنت اختها

    معاشرة التيوس بتقصر العمر

    يا هلا بالمكاري طلت اذان جحوشه

    كوم حجار ولا هالجار

    ضللك ورا العيار لباب الدار

    اسرق النذل ولا تطلبه

    اللي بوكل على ضرسه بنفع نفسه

    قالوا للحمار انت معزوم قال يا لنقل الحطب يا لنقل الميه

    مين بشهد للعروس... إمها و خالتها و عشره من حارتها

    ما حد بيكول عن زيته عكر

    انا وبعدي الطوفان

    يوم اللك ويوم عليك دير بالك فتح عينيك

    العيار اللي ما بصيبك بدوشك

    سمره ونغشه، ولا بيضة ودفشة

    فطسه ومهيونه ولا سوبر ومديونه

    العز للرز والبرغل شنق حاله

    الجوز رحمة ولو كان فحمة

    عندك عيش وعندي عيش وفراغة العين ليش ؟

    ما ظل على الخم ريش غير أنت يا ممعوط الذنب

    ريحة الإم بتلم وريحة الاب بتخم

    لا تذم و لا تشكر إلا بعد سنة و ست أشهر

    أخذتك شطر بطر يا سنسونة روحي ، جيت أكيد العدى كدت أنا روحي

    إبنك على ما تربيه و جوزك على ما تعوديه

    الي بدق الباب بسمع الجواب

    يا جاي بلا عزيمة يا قليل القيمة

    الطويلة طالت التينة والقصيرة ظلت حزينة

    راح الجحش يجيب قرنين رجع مقطوش الذنين

    الحيه ما بتصير خيه

    عدو جدك ما بودك لو عبدته مثل ربك

    العدو ما بصير حبيب والحمار ما بصير طبيب

    ان ضربت إوجع وان طعميت إشبع

    اذا سرقت اسرق حرير واذا قتلت اقتل امير حتى لو عيروك تستاهل التعيير

    من طين بلادك لط خدادك

    وفي رواية أخرى سخم خدادك

    الاخ فخ والعم غم والخال وبال

    اقلب الطنجرة على تمها بتطلع البنت لأمها


    ****************
    ************
    ********
    ****
    avatar
    ريما
    المشرف العام للمنتدى
    المشرف العام للمنتدى

    انثى عدد الرسائل : 1067
    الأوسمة :
    تاريخ التسجيل : 03/11/2008

    رد: أمثــــــــــ شعبية فلسطينية ــــــــال

    مُساهمة من طرف ريما في الإثنين 2 فبراير - 14:08


      الوقت/التاريخ الآن هو الثلاثاء 21 نوفمبر - 6:38