منتدى هوانا هواكم

منتدى هوانا هواكم

اهداء لكل من يريد ان يبوح بخواطره فهوانا ...هواكم


    دولتان وحكومة واحدة

    شاطر
    avatar
    manosh
    مشرف القسم الترفيهي

    عدد الرسائل : 375
    الأوسمة :
    تاريخ التسجيل : 27/11/2008

    دولتان وحكومة واحدة

    مُساهمة من طرف manosh في الأربعاء 4 مارس - 10:38

    اشتركت في احد جروبات الفاس بوك ولاقيت الموضوع ده فيه بجد عجبني جدا وحطيت ليكم فيه تعليقاتي الشخصيه عليه ياريت يعجبكم انتوا كمان بس انا عاوزه ارائكم الشخصيه وعاوزه تفاعل مش قرايه عالفاضي يعني

    قادني حظي السيىء وغباوتي لأن من يقدم على ما اقدمت عليه لابد ان يكون متمتعا بقدر كبير من الغباوة لمشاهدة التليفزيون المصري لأ ومش كده وبس وبرنامج البيت بيتهم لمذيعه تامر موافق امين كمان
    لغاية هنا ودي غباوة بس .
    سوء الحظ بقى في اني في احد الفواصل شفت ثلاثة اعلانات اصابوني بارتفاع مفاجىء في ضغط الدم رغم ان اعصابي ابرد من لوح ثلج في شهر يناير .
    الاولاني بيتكلم عن مشروع فيلات وقصور والفيلات رخيصة يا دوبك 2 مليون حاجة ببلاش كده خلي الفقير يسكن( والله عنده حق حاجه تفرس
    التاني عن جامعة خاصة اول ما شوفت الاعلان ومعامل الكمبيوتر اللي في الجامعة دي وقاعات المحاضرات والبنات اللي تفتح

    النفس على الدراسة – وحاجات تانية – افتكرت على طول الجامعة اللي كنت فيها ومعامل الكمبيوتر اللي فيها اللي زي الفل
    اجهزة احدث موديل من 95 وانت نازل والمدرجات اللي بتشيل 4000 طالب بس ايوة الله 4000 بس علشان الاستيعاب
    والناس(في دي بقي انا شفتها بعيني والله ) تعرف تستفيد ولا البنات اللي كانو معايا ملكات جمال من عينة عائشة الكيلاني كده وانت نازل حاجة تفتح النفس فعلا( كده بيغلط الولدMad ده لازم يتعاقب)
    التالت ده بقى حدوتة مطعم وجبات سريعة بيعلن انه بقى اسرع ديلفيري في مصر يا سلام الواحد مش عارف كان هيعمل ايه من

    غيرهم والله وكأن مشكلتنا الوحيدة هي تأخر الديلفيري مع ان في ناس ما بتشوفش الاكل غير في المناسبات( ده بقي الحقد الطبقي عادي يعني يشيلوا هم الناس الغلابه ليه مايتفرسوا ولا يجيلهم ضغط دم
    واحد يسألني ويقولي وانت ايه اللي يرفع ضغطك من الاعلانات دي يعني سيبتك من تامر والاعلانات دي هي اللي رفعت ضغطك ؟

    أقولك ليه يا سيدي الاعلانات هي اللي رفعت ضغطي مش تامر

    اولا: تامر رافع ضغط مصر كلها وانا خلاص اتعودت عليه يعني ما جاتش علي( انا شخصيا يا جماعه كنت بحب اسلوب تامر امين جدا بس يمكن اتغيربعد ماربنا فتحها علينا وجبنا وصله الدش ياحرام عرف اني مبقيتش اتفرج عليه نفسيته تعبت هههههههههههه ........منوش
    ثانيا : ده المفروض انه التليفزيون الارضي يعني اللي بيحضره مش معاه حق وصلة من الاخر مش لاقي ياكل وده بالنسبة ليه ده استفزاز مش اكتر يا اما غبي زي حالاتي
    ثالثا : شعب نسبة الاغنياء فيه 5% والباقي بيتمرجح على خط الفقر ازاي يبقى فيه اعلانات بالمنظر ده على التلفزيون اللي المفروض انه بيحضره ال 95 % دول معنى كده ان الناس اللي ماسكين التلفزيون شايفين وموافقين على كده وان ال 95 % دول مش في دماغهم والحكومة بالطبع موافقة على كده ما هي كل شوية تذلنا بالدعم
    يبقى الحل ايه ؟ انا اقولك
    الحكومة تسيبها من ال 95 % دول بلا دعم بلا كلام فارغ وتركز مع ال 5 % التانيين وكده تبقى ريحت دماغها خالص لانهم مريحين لا هيصدعوهم بدعم ولا غيره ولا هيطلبو مطالب خيالية زي انهم يتعلمو تعليم كويس اويلاقو رعاية طبية محترمة تحترم أدميتهم ولا اعلام يعبر عنهم لانه كد كده الاعلام بيعبر عنهم – ال 5% -
    ولا هيشتكو من ارتفاع اسعار ولا الكلام الفاضي ده كله ( كده تمام وكل المشاكل تتحل


    ويبقى الوضع كالتالي الحكومة وال 5% دول وهما مرتاحين مع بعض
    وال 95 % دول دولة تانية مع نفسهم كده ان شاء الله يولعوا مش مشكلة


    ونبقى ارتحنا وريحنا الحكومة ولا انتم ايه رأيكم .


    عدل سابقا من قبل manosh في الأربعاء 4 مارس - 10:52 عدل 4 مرات
    avatar
    Admin
    المدير العام للمنتدى
    المدير العام للمنتدى

    ذكر عدد الرسائل : 85
    العمر : 29
    تاريخ التسجيل : 05/03/2008

    رد: دولتان وحكومة واحدة

    مُساهمة من طرف Admin في الأربعاء 4 مارس - 10:39

    ههههههههههههههههههههههههه

    شكرا يا منوش على الموضوع الجامد ده واحنا المفروض نرجع لتامر امين تانى على كده
    هههههههههههههههههههههه
    avatar
    manosh
    مشرف القسم الترفيهي

    عدد الرسائل : 375
    الأوسمة :
    تاريخ التسجيل : 27/11/2008

    رد: دولتان وحكومة واحدة

    مُساهمة من طرف manosh في الأربعاء 4 مارس - 10:55

    معاك حق ياسياده المدير العام
    ومن ناحيه التلفزيون فعلا محتاج اننا نرجعله
    بس انا عدلت شويه تعديلات علي الموضوع ياتري انت شوفته قبل ولا بعد التعديل
    منوووووووووووووووووش
    avatar
    DONIUM
    لا مثيل له
    لا مثيل له

    ذكر عدد الرسائل : 505
    الموقع : فى ارض الله الواسعة
    تاريخ التسجيل : 07/11/2008

    رد: دولتان وحكومة واحدة

    مُساهمة من طرف DONIUM في الخميس 5 مارس - 3:20

    والله مابقتش فارقة سينا زاى سونيا والكلام مالهوش لزمة اساسا الواحد بيدن فى المريخ مش فى مالطة والله الاكل موجود والشرب واللبس موجودين كل واحد يشترى على اد امكانياته مش لازم العنتظة يعنى (ده كلام الحكومة )الغالى موجود والرخيص موجود الى عايز يشترى الى هو عايزة يتفضل احنا مش حارمين حد من حاجة (ده راى الحكومة برضه )
    وطبعا الى امثالى مالهومش اى كلام بعد الكلام الجميل الى لسه الحكومة قايلاه
    وفعلا انا هبطل عنتظة واشوف الى على ادى وو ماشوفتش اساسا مافيش مشكلة برضه ربنا يخليلنا الحكومة والى بييجى منها
    كفاية علشان الكلام فى الموضوع ده مش هيخلص وانا لو اتكلمت مش هسكت
    تقبلى مرورى
    محمد

      الوقت/التاريخ الآن هو الأربعاء 14 نوفمبر - 17:48