منتدى هوانا هواكم

منتدى هوانا هواكم

اهداء لكل من يريد ان يبوح بخواطره فهوانا ...هواكم


    لما تلبس مراتك لبس مكشوف..سيب الناس تتفرج براحتها

    شاطر
    avatar
    manosh
    مشرف القسم الترفيهي

    عدد الرسائل : 375
    الأوسمة :
    تاريخ التسجيل : 27/11/2008

    لما تلبس مراتك لبس مكشوف..سيب الناس تتفرج براحتها

    مُساهمة من طرف manosh في الإثنين 9 مارس - 7:05

    السلام عليكم ورحمه الله وبركاته
    عاوزين نتناقش في الموضوع ده من خلال القصه البسيطه دي
    عاوزه اعرف ارائكم في الموضوع ده
    واقدم ليكم القصه
    اتفضلوا معايا



    كان احدهم يهم بالجلوس بالدرجه الأولى بالقطار
    المتجه من القاهره الى مدينة أسوان

    فوجد أن وضعية الكرسي الذي سيجلس عليه هو والكرسي الذي بجواره مقلوبه ليواجها الكرسيين الموجودين خلفهم

    فجلس و لم يقم بعدل الوضعيه لمجيئ رجل في العقد السادس من العمر يرتدي الملابس الريفيه ليجلس بالكرسي المجاور له

    ثم مجيئ زوج شاب و زوجته
    وكان يبدو عليهم أنهم حديثي الزواج ليجلسوا بالكرسيين المواجهين لهم

    وللأســــف ... كانت الزوجه ترتدي بنطلون برموده قصير
    وبلوزه بحمالات تكشف عن ذراعيها وصدرها حتى نصفه تقريبا

    فلم يلقي (اخينا) بالا" لهم وانشغل بقراءة الجريدة التي معه ... (نفض للمنظر يعني من الاخر هههههههههه)

    لكنه فوجئ بالرجل الريفي
    الكبير في السن
    والذي تبدو عليه علامات الوقار والاحترام
    يرتكز بكوع ذراعه على عظمة فخذه
    واضعا ذقنه علي قبضة يده في مواجهة الزوجه التي تجلس بالكرسي المواجه له
    ونظرة عيناه مثبته نحو صدرها تكاد تخترقه لقرب المسافه
    وينظر لها بصوره فجـه تضايق الزوجه و تثير غضب زوجها (الراجــل)

    الذي غضب بالفعل وقال للرجل :
    احترم نفسك انت راجل كبير عيب اللي بتعمله ده
    وياريت تقعد عدل و تلف الكرسي
    ( لاء محترم وراجل بصراحة)



    فما كان من الرجل الريفي الا أن قال للزوج الغاضب :

    أنا مش هقولك احترم نفسك انت
    وعيب عليك تخلي مراتك تلبس عريان
    انت حــر
    يارب حتى تخليها تمشي ملط مادمت انت قابل يبقى انت حـــــر

    لكن هقولك
    انت ملبسها كده عشان احنا نشوفها ونتفرج عليها
    ونقول شوف الراجل مراته حلوة ازاي
    اهو .... ادينا بنتفرج عليها
    زعلان ليه بقه ...؟؟؟

    بص يابني ... اللي تقبل انه يكون مكشوف من جسم مراتك
    من حقنا كلنا نشوفه
    واللي مستور .... من حقك انت لوحدك تشوفه
    واذا كنت زعلان اني مقرب راسي شويه ... اعمل ايه يابني ..؟؟
    ده غصب عني ... نظري ضعيف وكنت عايز اشوف كويس


    وهنا لم ينطق الزوج
    وألجمت كلمات الرجل فمه واحمر وجه زوجته



    خاصة بعدما تعالت أصوات الركاب اعجابا بالدرس الذي اعطاه الرجل الريفي للزوج الشاب الروش الهاي


    ولم يملك الزوج (الراجــل) الا أن يقوم من مكانه
    ويأخذ زوجته ويغادرا عربة القطار

    يالا بقي وروني التفاعل والنقاش الجاد
    القصه منقووووووووله
    avatar
    DONIUM
    لا مثيل له
    لا مثيل له

    ذكر عدد الرسائل : 505
    الموقع : فى ارض الله الواسعة
    تاريخ التسجيل : 07/11/2008

    رد: لما تلبس مراتك لبس مكشوف..سيب الناس تتفرج براحتها

    مُساهمة من طرف DONIUM في الإثنين 9 مارس - 11:10

    انت ملبسها كده عشان احنا نشوفها ونتفرج عليها
    ونقول شوف الراجل مراته حلوة ازاي
    اهو .... ادينا بنتفرج عليها
    زعلان ليه بقه ...؟؟؟
    هههههههههههههههههههههههههههههههههههههههه
    جاندة اوى الكلمتين دول فى العضل زاى مابيقولوا
    والله يا اخت منوش الى واضح ان الناس بقى عندها لا مبالاة
    اه الاول صح احييكى على الموضوع الهايل ده بجد وانتى بتثيرى نقطة فعلا موجودة فينا ولكن الحمد لله ولا اكننا شايفين ده كله
    والمشكلة ان الاهل مبسوطة جدا جدا ان بناتها بتلبس كدة ال ايه علشان البت تتجوز (انا عن نفسى لما اشوف واحدة لابسة البس ده استحالة انى افكر فيها )وده تفكير معظم الشباب مش انا بس
    وكان فى موقف حصل قدام صاحبى غريب جدا كان بيشترى بنطلون ليه وكانت معاه والدته المهم كان فى واحدة بتقيس بنطلون برضه فى البروفة وخرجت لابسة بنطلون خلاص يعنى بيقولها ارحمينى واقلعينى احسن مش قادر ردت والدتها بكل بساطة للراجل بتاع المحل ايه ده لالالالالالالالالالالالا
    هات مقاس تانى للبنت هات مقاس اصغر علشان البت عودها يبان للناس
    والله كمان مرة الموقف ده حصل فخلاص اصبح لا مبالاة عند الاهل
    علشان كدة بطلب من ربنا انه يحفظنا انا واخواتى واقاربى والناس المحترمة كلها كل الناس المسلمين
    اللهم اامين واشكرك يا منوش بجد ع الموضوع ده وانا ليا رد تانى بس لما الاقى تفعيل من الناس الى فى المنتدى
    محمد
    avatar
    manosh
    مشرف القسم الترفيهي

    عدد الرسائل : 375
    الأوسمة :
    تاريخ التسجيل : 27/11/2008

    رد: لما تلبس مراتك لبس مكشوف..سيب الناس تتفرج براحتها

    مُساهمة من طرف manosh في الثلاثاء 10 مارس - 9:08

    DONIUM كتب:

    اه الاول صح احييكى على الموضوع الهايل ده بجد وانتى بتثيرى نقطة فعلا موجودة فينا ولكن الحمد لله ولا اكننا شايفين ده كله
    والمشكلة ان الاهل مبسوطة جدا جدا ان بناتها بتلبس كدة ال ايه علشان البت تتجوز (انا عن نفسى لما اشوف واحدة لابسة البس ده استحالة انى افكر فيها )وده تفكير معظم الشباب مش انا بس
    وكان فى موقف حصل قدام صاحبى غريب جدا كان بيشترى بنطلون ليه وكانت معاه والدته المهم كان فى واحدة بتقيس بنطلون برضه فى البروفة وخرجت لابسة بنطلون خلاص يعنى بيقولها ارحمينى واقلعينى احسن مش قادر ردت والدتها بكل بساطة للراجل بتاع المحل ايه ده لالالالالالالالالالالالا
    هات مقاس تانى للبنت هات مقاس اصغر علشان البت عودها يبان للناس
    والله كمان مرة الموقف ده حصل فخلاص اصبح لا مبالاة عند الاهل

    ايه الكلام الجميل ده
    والله معاك حق بس مش عارفه نعمل ايه يعني
    نعمل قانون يمنع اللبس العجيب ده ولا احل ممكن يبقي ايه
    وعلي فكره من ناحيه انك متبصش لواحده بتلبس كده والله دول اللي ماشيين اليومين دول
    انا اعرف بنات كتير من انصار التحرر في اللبس اصل ياخويا الدنيا حر وجو مصر مقرف اصلا Exclamation ه
    وكلهم بيتجوزوا قبل اي واحده محترمه
    وتلاقي الواحده من دول ماشيه علي حل شعرها سنتين
    ومصاحبه علي الاقل يجي خمس شباب
    وقيس علي كده كتييييييييييير
    طيب قولي دول بيتجوزوا ازاي Question ه
    هانقول اكيد نصيب
    بس يعني لو الواحده عملت اللي عليها وبينت عودها للناس زي ما اختنا اللي انت اتكلمت عنها قالت Exclamation Crying or Very sad ه
    كانت اتجوزت
    فين اراء الشباب في الموضوع ده ياجماعه
    عاوزين نعرف العيب فين
    في البنات
    ولا في الشباب
    ولا فيــــــــــــــــــــــــــــــــــــــــــــن؟؟؟؟

    الدايم
    عضو متميز
    عضو متميز

    عدد الرسائل : 109
    تاريخ التسجيل : 29/12/2008

    رد: لما تلبس مراتك لبس مكشوف..سيب الناس تتفرج براحتها

    مُساهمة من طرف الدايم في الثلاثاء 10 مارس - 11:04

    لمحه ظريفه منك يا اخت منوش ولكن انا لا اعفو الرجل الكبير من انه ارتكب اثما ويستحق عليه العقاب فليس كل من يريد النصح لله له الحق فى معصيته فهذا الرجل ارتكب معصية النظر للمحرمات فلا يصح ان نطهر السيئ بالسيئ ولكن هناك عدة اساليب اخرى للامر بالمعروف ومعالجة هذا الامر الذى تفشى فى المجتمع ولا اكاد اجزم انه اصبح اشد داء على هذه الامه وليست مصر فقط ولكن العالم الاسلامى كله .وعلى فكره بالنسبه لنقطة ان البنت اللى على حد تعبيركم( بتبين عودها )فهى غير محببه للكثير من الشباب وان كانت قد تزوجت قبل الانسانه المحترمه فهذا ابتلاء للانسانه المحترمه وما هى الا شئ شاذ عن القاعده واعلمى ان الله يملى للظالم حتى اذا اخذه لم يفلته وهذه ظلمت نفسها ومجتمعها واهلها والله يمهل ولا يهمل . فأكثر معشر الشباب يريد من تصونه فى بيته وماله ونفسها وكل شئ ومن تكون ذات دين وليست عروسه حلاوه محتاجها مع الادوات المنزليه فى البيت .ويا حبذا لو كل امرأه صانت ما وهبها الله عز وجل واصبحت لله وجعلته فقط لزوجها فهذا فيه تكريم له ولها وسوف يعينها ربها على امرها . واخيرا لا اعفو الشباب من الاثم اذا نظروا الى ما حرم الله مهما فعلت الفتيات بأنفسهن فهذا ليس سبب يجعلنا نعصى الله .

    ارجو انى لم اطل وشكرا لكى منوش وتقبلى مرورى
    avatar
    DONIUM
    لا مثيل له
    لا مثيل له

    ذكر عدد الرسائل : 505
    الموقع : فى ارض الله الواسعة
    تاريخ التسجيل : 07/11/2008

    رد: لما تلبس مراتك لبس مكشوف..سيب الناس تتفرج براحتها

    مُساهمة من طرف DONIUM في الثلاثاء 10 مارس - 13:53

    اشكرك يامنوش بحرارة وبشدة على تشجيعى بجد وان الرد بتاعى يكون منطقى شويه علشان محدش يقول عليا انى عايش فى عصر تانى او بلد تانية
    بس برضه احنا لازم نحط فى الاعتبار الحديث الشريف الى قال فيه اشرف البشر واطهرهم (صنفان من امتى لم اراهم بعد منهما نساء كاسيات عاريات مميلات رؤوسهم باسنمة البخت المائلة ) صدق شفيعى ورسولى
    علشان كدة مافيش الا رد واحد لا حول ولا قوة الا بالله العلى العظيم
    والى انا اقدر عليه بجد انى احاول على اد ماقدر والله بجد انى مابصش علشان دول ادامى وورايا وعلى يمينى وشمالى وفى النادى والشارع والمستشفي وفى كل حتة يعنى وانى تانى حاجة اتجنبهم خالص والحمد لله الواحد خلص الجامعه على خير علشان مش عارف انا لو كنت طولت عن كدة كان ايه الى هيحصل تانى
    وشطرا ليكى يا منوش ع الموضوع الجميل ده والايجابى كمان
    ومن ناحية الناس ماتستانيش اى مشاركات منهم كالعادة يعنى
    محمد
    avatar
    سارة
    عضو متميز
    عضو متميز

    عدد الرسائل : 218
    الأوسمة :
    تاريخ التسجيل : 28/11/2008

    رد: لما تلبس مراتك لبس مكشوف..سيب الناس تتفرج براحتها

    مُساهمة من طرف سارة في الأربعاء 11 مارس - 11:38

    تسلمى منوش وبجد موضوع اكثر من رائع نظرا لاهميته
    بس انت قولت المشكلة والله البنات دول انا بشفق عليهم العيب من الدرجة الاولى من الاهل او الزوج اللى بيقبلو ان البنات تلبس كده وكما سماه رسول الله صلى الله عليه وسلم الرجل الديوس
    وبعدين يامنوش لو انا هعمل كده علشان اتزوج يبقى بلاش جواز احسن لان الزوج اللى بياخدنى وانا كده عمره ماهيصونى واكيد مهيبقاش زوج صالح
    ودى اعظم امنية للبنت المسلمة ان ربنا يرزقها الزوج الصالح
    وبعدين لايطلب ماعند الله بمعصيته
    سلمت اناملك

    زائر
    زائر

    رد: لما تلبس مراتك لبس مكشوف..سيب الناس تتفرج براحتها

    مُساهمة من طرف زائر في الأربعاء 11 مارس - 18:24

    موضوع هايل يا منوش
    غياب الوعي الديني عن الناس هو السبب. من وجهة نظرى مفيش راجل مكتوب في شهادة ميلاده راجل يسيب مراته كده حتى لو انا ذالك الشخص
    فيه آيه في القرآن في سورة النور بتقول " في بيوت اذن الله ان ترفع ويذكر فيها اسمه يسبح له فيها بالغدو والاصال رجال لا تلهيهم تجارة ولا بيع عن ذكر الله واقام الصلاة وايتاء الذكاة يخافون يوما تتقلب فيه القلوب والابصار" هى دى الرجوله ليس كما يظنها بعض الناس . وما اظنش ان فيه راجل بتلك الصفات يسيب مراته كده
    يبقي اخينا كده اصلا مش راجل ههههههههههههه سوري في اللفظ. كيس قطن هههههههههههه

    avatar
    ريما
    المشرف العام للمنتدى
    المشرف العام للمنتدى

    انثى عدد الرسائل : 1067
    الأوسمة :
    تاريخ التسجيل : 03/11/2008

    رد: لما تلبس مراتك لبس مكشوف..سيب الناس تتفرج براحتها

    مُساهمة من طرف ريما في الأربعاء 8 أبريل - 11:49

    مش عارفه يا منوش اتناقش في الموضوع بصراحه
    انا عايشه في مجتمع الطبيعي فيه المكشوف والغير طبيعي المكسي
    ولكن دينا واضح وصريح قبل اي شئ
    وكل انسان حيتحاسب علي عمله ولكن الزوج صعبان عليه حيتحاسب علي نفسه وزوجته اولاده ان رزقه الله فحمله تقيل ياعيني
    فاشكر الله اني امراءه هههههههههههه
    موضوع متميز


    _________________






      الوقت/التاريخ الآن هو الأحد 24 سبتمبر - 9:50