الرئيسية
أحدث الصور
من طرف 
والله طعمها جنان وطريقتها سهلة جدا .. انا حقولكم طريقتى السهلة وانتم تقولولى ايه رايكم
اولا نجيب الجلاش ونعد عدد الورق بتاعه يعنى لو 20 ورقة نقسمه الى مجموعتين 10 ورقات و10ورقات
نجيب صينية مستطيلة وندهنها زيت ثم نضع 2 ورقة جلاش ثم القليل من الزيت وهكذا بعد كل ورقتين نضع مسحة خفيفة من الزيت الى ان ينتهى القسم الاول من الجلاش
نهرس بالشوكة جبن مثلثات او جبنة كيرى والغرض من الهرس هو تطريتها لسهولة فردها على الجلاش .. نفرد الجبنة على الجلاش
ثم نضع للحشو (( لحمة معصجة او لانشون او بسطرمة او سجق او سوسيس بصوص هاينز الحار )) انا بعملها بالبسطرمة ثم اضع عليها طماطم ولكن لاتكثروا من الطماطم عشان ماتنزلش مايتها فى الجلاش ثم نضع الزيتون وبرده مش كتير عشان ماتبقاش البسطرمة حادقة الزيتون حادقة ثم نضع الفلفل الاخضر ثم نرشة من المتزاريلا او الجبن التركى المبشور وياسلام لو رشة زعتر او بهارت البيتزا (( موجودة عند فتح الله ))
ثم نكرر القسم الثانى نضع 2 ورقة جلاش ثم القليل من الزيت وهكذا بعد كل ورقتين نضع مسحة خفيفة من الزيت الى ان ينتهى الجلاش
قطعى الجلاش الى سمبوكسات او مربعات ثم دوبى قليل جدا جدا من الملح فى نصف كوب لبن + بيضة + فلفل اسود واسكبيهم على الجلاش وادخليه فى فرن مشتعل من الاعلى والاسفل واتركيه الى ان ينضج ....... وبالهناء والشفاء
انا بحبه اوى وهو حراق وكمان سخن بيبقى فى منتهى الجمال .. وجربوا كمان حشوة اللحم المعصج بالمشروم والشطة او الفلفل الاخضر الحامى والله جنان
